శ్రీశ్రీరాజరాజేశ్వరస్వామివారినీరాజన శతకము
(తే.గీ.)
1*
శ్రీహరిహరధనాథ! శ్రితజనమందార!
పార్వతీశ్వర! త్రిపురారి! ప్రమధనాథ!
వేదవేద్య-వేములవాడవేల్పువైన-
రాజరాజేశనీకునీరాజనాలు!
2*
దక్షవాటిక, దక్షణకాశి, తమరివిడిది-
వెలసెవేములవాడగావేల్పులెల్ల-
నిన్నుజేరికొల్వగ-భక్తినిఖిలజనుల-
రాజరాజేశనీకునీరాజనాలు!
3*
నిఖిలమతములువెలుగొందెనీదుకరుణ-
మేలుగోరువారలకెల్లమేలుకొలుపు!
పల్లెపల్లనీభిక్షలోపరవశించె!
రాజరాజేశనీకునీరాజనాలు!
4*
అన్నికులములుమతములునిన్నుగొలువ-
నిత్యజాతరసాగెనోనీలకంఠ!
ప్రజలసద్భక్తినీభిక్షప్రమదవరద!
రాజరాజేశనీకునీరాజనాలు!
5*
భాస్కరహరిహరక్షేత్రపాలనేత్ర!
కోడెమ్రొక్కులుప్రత్యేకజోడుసేవ-
భక్తయోగులదరిజేరుభర్గ! శర్వ!
రాజరాజేశనీకునీరాజనాలు!
6*
కోడెమ్రొక్కులునందీశుగొల్చువిధము
భిన్నమేకమైమదిపుణ్యప్రీతిగూర్చు-
నీదుగుడిశాంతినిలయమునిత్యముదము!
రాజరాజేశనీకునీరాజనాలు!
7*
కామదహనంబు, పిదపనేకనులపంట!
నీదుకళ్యాణజాతరనిశ్చయముగ!
నిచటజరుగువిశేషమునేటిదాక!
రాజరాజేశనీకునీరాజనాలు!
8*
కాశినెలకొన్నదేవరా! కదలుమనగ-
నారదునికోర్కెమన్నించినందినెక్కి-
తరలివచ్చితివందురుతాతలంత!
రాజరాజేశనీకునీరాజనాలు!
9*
క్షామమున్దీర్పవచ్చినకామవైరి-
కాంక్షతోడనుదక్షణకాశిజేయ-
వెలసితివి, మమ్ముపోషింపవేములాడ!
రాజరాజేశనీకునీరాజనాలు!
10*
తల్లిరాజేశ్వరీమాతతరలివచ్చె-
వెంటతనయులు, వేంచేయ, వేడ్కగూర్చె!
నందిబలగమ్మునడిపించె, నాగభూష!
రాజరాజేశనీకునీరాజనాలు!
11*
కురిసె,నెలమూడువానలుకొల్లలుగను
పైరుపచ్చలువిలసిల్లె, పసిడిపంట!
నందిబలగమ్మురైతుకానందమొసగె!
రాజరాజేశనీకునీరాజనాలు!
12*
ఇంద్రుడునుతొల్లివృత్రాసురేంద్రుజంపి
బ్రహ్మహత్యపాతకుడయ్యె! పాపహరణి-
ధర్మగుండములోమున్గితానమాడె!
రాజరాజేశనీకునీరాజనాలు!
13*
పుణ్యకోనేటితానాలుబూనిజేయ-
ముక్తినొందిరి, రాజులు, మునులు, ప్రజలు!
సద్గతినిబొందిరెందరోచంద్రమౌళి!
రాజరాజేశనీకునీరాజనాలు!
14*
దక్షయజ్ఞహవిస్సుచేతక్షణంబె-
కిరణరహితుడైశశియునీకీర్తిదెలిసి-
మరలదీపింపగాతపమాచరించె!
రాజరాజేశనీకునీరాజనాలు!
15*
పుణ్యకోనేటితానంబుధన్యమనగ-
జేసి, ఫలమొందుకతననీక్షేత్రమునకు
భాస్కరక్షేత్రమనిపేరుబడసెనాడు!
రాజరాజేశనీకునీరాజనాలు!
16*
త్రేతమునరాముడిచటప్రత్యేకనిష్ఠ-
పుడమిజాతనుగూడిపూజజేయ-
వచ్చెవనవాసకాలపువసతిబొందె!
రాజరాజేశనీకునీరాజనాలు!
17*
ద్వాపరంబునద్వారకదరలివచ్చె-
కృష్ణపరమాత్మదర్శించికృపనుబొందె!
పాండవులువచ్చిదర్శింపఫలముగలిగె!
రాజరాజేశనీకునీరాజనాలు!
18*
పూతపౌరణికాధారపూర్వకముగ
వాక్కులైతిహ్యములుగాగ, వరలుచుండు-
నను, పల్కుబడిజనులనాల్కలందు!
రాజరాజేశనీకునీరాజనాలు!
19*
మాళవనరేంద్రుడును, మున్నుబాలహత్య
పాపమైకుష్ఠుబాధింపపడియుమ్రొక్కె-
నంతరోగవిముక్తుడైసంతసించె!
రాజరాజేశనీకునీరాజనాలు!
20*
పాపపరిహారముగమ్రొక్కిఫలముబొంది-
రెందరోచరితపుటలందునుందురనగ-
శాసనాధారములుదొరుకసాగెనింక!
రాజరాజేశనీకునీరాజనాలు!
21*
రాజపట్టముగోల్పడిరాజులంత
డాయవచ్చియు, ధర్మగుండానమునిగి
ముడుపుచెల్లింపప్రజలంతమురినారు
రాజరాజేశనీకునీరాజనాలు!
22*
రాజధానియైచాళుక్యరాజులేల-
వేములాడచాళుక్యులైవెలిగిరంత
సహనసంపన్నజీవనశైలిగలుగ!
రాజరాజేశనీకునీరాజనాలు!
23*
రాజుమారినమతములరాహమారి-
సమ్మతముసాగినానీదుసాక్షిగానె-
జైన, శాక్తేయ, వైష్ణవశైవవిధులు!
రాజరాజేశనీకునీరాజనాలు!
24*
తల్లిసంస్కతమైవృద్ధిదనర-ద్రవిడ
బాష, కౌటుంభసాహితీబలపడంగ-
తర్కవైయ్యాకరణదీప్తితత్వసిద్ధి!
రాజరాజేశనీకునీరాజనాలు!
25*
బాష్యకారులసిద్ధాంతభావగరిమ!
సగుణ, నిర్గుణోపాసనల్సాగిపోయె!
జానపద-విజ్ఞనమ్మకజతయుగుదిరె!
రాజరాజేశనీకునీరాజనాలు!
26*
లలితకళలనారాధించి, లభ్ధిబొంది
తీర్థయాత్రసంస్కృతిపుణ్యతీర్థమయ్యె!
కవులనిలయమైపదహారుకళలుజిందె!
రాజరాజేశనీకునీరాజనాలు!
27*
నేటికినికీర్తిగాంచెమానేటికెరట-
గీతసంగీతములుపాండితేతరులకు!
జానపదకంఠమేళలజాగృతములు!
రాజరాజేశనీకునీరాజనాలు!
28*
ఎవ్వరేమన్ననీభక్తినివ్వటిల్లె!
సంబరములందునీనిరాడంబరంబె!
దర్ఫమేదైననిచటకందర్ఫహరమె
రాజరాజేశనీకునీరాజనాలు!
29*
దక్షణాదికాశిగ, నాటిదక్షవాటి
వెలయుసర్వధర్మవిచారవేదికయ్యె!
అంబరపుసంబరమునిరాడంబరంబె!
రాజరాజేశనీకునీరాజనాలు!
30*
వైరమేదిహరిహరమేవైనమొప్ప!
సర్వమతధర్మసిద్ధాంతసారమంత-
జానపదమునవడవోయజనులకందె!
రాజరాజేశనీకునీరాజనాలు!
31*.
జాగృతినిగూర్చు-శివరాత్రిజాగరణలు
బిలువబల్కుదైవమునీవు-బిల్వపూజ!
క్షేత్రమైజానపదభక్తిసేవసాగె!
రాజరాజేశనీకునీరాజనాలు!
32*
పార్వతీపరమేశ్వరాభక్తిభిక్ష-
గొప్పతనమయ్యె! గౌరవమొప్పెబ్రతుకు
దీనులకుభక్తిభద్రతదిట్టమయ్యె!
రాజరాజేశనీకునీరాజనాలు!
33*
రేయిబవలుసాగె, శివపురాణకథలు
మనసుపైముద్రవేసియు-మనిషిదిద్ధె!
బసవమతమానవతనైక్యపథమువెలసె!
రాజరాజేశనీకునీరాజనాలు!
34*
వరుస,శాసనాధారాలవంగిపర్రు-
వెలసె ‘వేములవాడ ‘గా, వేంగిపర్రు-
వెలిగె, శాతవాహనకాలవేల్పువనగ!
రాజరాజేశనీకునీరాజనాలు!
35*
వేయినోళ్ళనీలీలలువేడ్కగూర్చె!
చరితతొలిప్రొద్ధుగాసహస్రాబ్ధిచర్ఛ-
బలముచేకూర్చెసంగనభట్లకృషియు!
రాజరాజేశనీకునీరాజనాలు!
36*
త్రవ్వకాలనాధారాలుత్రవ్విచూడ-
నాటిలెంబులవాటికేనేటి ‘వెముల-
వాడ’ గాపేరుమారినవాస్తవంబు!
రాజరాజేశనీకునీరాజనాలు!
37*
వెలయులేములవాడగావేయినోళ్ళ
మ్రోగివేములవాడగామోదమొసగె!
లేమ-లేమలనూహనీలీలసాగె!
రాజరాజేశనీకునీరాజనాలు!
38*
తెలియఎములాడ-ఎముడాలతీరుతెన్ను-
అక్షరమ్ములవ్యతస్థసాక్ష్యమలరు! నేటిఎముడాలజాతరమేటియయ్యె!
రాజరాజేశనీకునీరాజనాలు!
39*
భీమకవి, పంపకవికృతుల్ప్రీతిగొల్ప
రాజరాజుచేగుడియునిర్మాణమయ్యె!
రుద్రులకృషిచేపలుపునరద్ధరణలు!
రాజరాజేశనీకునీరాజనాలు!
40*
నాటివైభవశ్రీనేడుచాటెననగ
గోచరించును, గుడిమెట్టగోపురంబు!
సకలజనజాగరణకర్తసాంబమూర్తి!
రాజరాజేశనీకునీరాజనాలు!
41*
విధిగబద్ధిగభూపతివేడ్కమేర
వెలసెభీమేశ్వరాలయం-వెడలుదారి
వెంటబద్ధిపోచమ్మకొలువుండెప్రజలబ్రోవ!
రాజరాజేశనీకునీరాజనాలు!
42*
వేడ్కతినునవేశివునినైవేద్యమనగ
స్వామిగొల్చియుపోచమ్మసాకవోసి,
జనులవెల్లువసాగగాజరుగుయాత్ర!
రాజరాజేశనీకునీరాజనాలు!
43*
భక్తితోశివపార్వతుల్పల్లెపల్లె –
తిరిగిచేయుప్రచారాలతీరుతెన్ను-
దీక్షభిక్షగానుభయత్రదివ్యఫలము!
రాజరాజేశనీకునీరాజనాలు!
44*
చెడునుద్రోసివేయుటభక్తిచేతనంబు-
గానితీరుకుమంచియుగలుగునెట్లు!
నీతినియమపూర్వకజోగినీవ్యవస్థ!
రాజరాజేశనీకునీరాజనాలు!
45*
పావనముసోమవారపుభక్తినిష్ఠ!
నీనిరాడంబరత్వమేనిత్యదీక్ష!
పట్టువీడనిసద్భక్తిపవిత్రభిక్ష!
రాజరాజేశనీకునీరాజనాలు!
46*
కరువుదీర్చగానీభక్తికల్పతరువు!
కష్టములుబాపునీదీక్షకామధేను!
పట్టుజాలనిమోటారుబండియాత్ర!
రాజరాజేశనీకునీరాజనాలు!
47*
జనులుమెచ్చేటిశివరాత్రిజాగరణలు-
మాఘబహుళచతుర్ధశిమాపటేళ-
జరుగునీపెండ్లిజూడగజనులతపన!
రాజరాజేశనీకునీరాజనాలు!
48*
దేశమంతటశివరాత్రిదేవళముల-
జరుగునీపెండ్లిసంబరం-జనులకిచట-
కామదహనంబుతదుపరికార్యక్రమము!
రాజరాజేశనీకునీరాజనాలు!
49*
రామనవమికళ్యాణము, సామరస్య-
మలరు, హరిహరాత్మకముగనఖిలజనుల-
శోకముడిగిజీవనశాంతిసుఖములెసగ!
రాజరాజేశనీకునీరాజనాలు!
50*
వెలయుతమగుడిచుట్టున్నవేల్పుగుడులు-
భక్తికేదారములు, జన్మముక్తిదములు!
జనులనడపించునానందజనకనిధులు!
రాజరాజేశనీకునీరాజనాలు!
51*
నీగుడిసత్యవ్రతనేమనిష్ఠవెలయు
ముదముముక్కోటియేకాశిముక్తిప్రదము –
శంకరజయంతి-గీతార్థసభలుశక్తి!
పూజలున్, జ్ఞానయజ్ఞముల్పుణ్యమొసగు!!
రాజరాజేశ! నీకునీరాజనాలు!
52*
వెలసె,నగరకేదారేశ,వేణుగోప-గుడియు,
మహలక్ష్మి,దుర్గయుగొప్పప్రభలు-
మహిశమర్ధినియు, ఉమేశమందిరాలు!
రాజరాజేశనీకునీరాజనాలు!
53*
బాలరాజేశ, విఠలేశ, బాలత్రిపుర-
సుందరి, యనంతనాథునిమందిరములు-
వెలసె, రామాంజనేయనివేశ్మములును!
రాజరాజేశనీకునీరాజనాలు!
54*
జనులు-సాగుబాటలఘనస్వాగతములు
నిర్మితతోరణాలుజూడనింపుసొంపు-
మహ్మదీయదర్గాగుడిమరొకదిక్కు!
రాజరాజేశనీకునీరాజనాలు!
55*
శిలలు-శిల్పాలు,నపురూపచిత్రకళలు-
గలవు, భీమేశ్వరునిగుడివెలయమ్రోగు!
నాదబ్రహ్మసంగీతామానందమొసగు!
రాజరాజేశనీకునీరాజనాలు!
56*
దీపధూపనైవోద్యముల్తీర్థములును
సాంస్కృతికకార్యక్యమములుసాగుచుండు!
ఊరు- ఊరంతశివరాత్రియూయలూగు!
రాజరాజేశనీకునీరాజనాలు!
57*
భక్తితోదేవినవరాత్రిపబ్బములును,
నిండుదనమునూరేగింపుపండుగలును
దాపుదత్తతక్షేత్రముల్దనరుచుండు!
రాజరాజేశనీకునీరాజనాలు!
58*
వివిధధర్మశాలలుసత్రవిడిదివసతి
విస్తరించెధాతలవస్తువితరణములును!
బోనములునన్నదానపుభోజనాలు!
రాజరాజేశనీకునీరాజనాలు!
59*
ఐదువందలసత్రాలు-వైశ్యసత్ర-
మందువందలాదిగదులు – చందమరయ
ఇంద్రలోకమ్ముతలపించునంద్రుజనులు!
రాజరాజేశనీకునీరాజనాలు!
60*
తీర్థయాత్రికులుగవచ్చు – నిరుగుపొరుగు
జిల్ల-రాష్ట్ర-విదేశీయులెల్లరాక-
పోకలరవాణయేజర్గుపొద్దుమాపు!
రాజరాజేశనీకునీరాజనాలు!
61*
ఉచితభోజనసదుపాయమొనరజేయు
నెందరోసత్రములుగట్టనెంచినారు!
వంటగదులును-కళ్యాణమంటపాలు!
రాజరాజేశనీకునీరాజనాలు!
62*
ఎందరోయాత్రికులుజేరు – ఎములవాడ
ఎచటలేనియాచారాలునిచటచూడ-
వినగవింగడంబగునిత్యవిధులుసాగు!
రాజరాజేశనీకునీరాజనాలు!
63*
దేవళంబులనతిపెద్ధదేవళంబు-
వెలసె, తెలఁగాణభక్తులవేల్పు –
నిలయ-మనగ, విలసిల్లెనెముడాలయనెడుపేర!
రాజరాజేశనీకునీరాజనాలు!
64*
కరిమినగరుజిల్లాకీర్తిసిరులసిల్ల-
వెలసెనెముడాలరాజన్నవేల్పుకరుణ-
సేయునట్టిసామాజికసేవనిధుల!
రాజరాజేశనీకునీరాజనాలు!
65*
ధాతనిరతాన్నదానముల్దనరుచుండ-
పెక్కునారోగ్యపథకముల్పేరుకొనగ!
సాహితీ-సాంస్కృతములుసాగెనేడు!
రాజరాజేశనీకునీరాజనాలు!
66*
తెలుగుసంస్కృతిస్ఫూర్తితోవెలయుద్రవిడ-
బాషసంస్కృతిజతగల్గెభక్తికృతుల-
కళలు! కవిపండితులకీర్తికాంక్షదీర!
రాజరాజేశనీకునీరాజనాలు!
67*
రాకపోకల-రాజన్నరక్షభిక్ష-
ప్రస్తుతింతు! శివమహిమవస్తువుగను-
కవితహారతినాయెదకదలిమ్రోగ-
రాజరాజేశనీకునీరాజనాలు!
68*
ఎందరోమహనీయులు-అందరికిని-
వందనాలునర్పించియు, చందముగను
దేశి-యుపజాతిపద్యముతేటగీతి-
రాజరాజేశనీకునీరాజనాలు!
69*
క్రోధికోపించు, ననిభీతికొంతమాని-
ఎదుటికువిమర్శజంకును – పదటగలిపి,
భక్తిప్రాధాన్యకృతిజేతు! ప్రణతి! శరణు!
రాజరాజేశనీకునీరాజనాలు!
70*
భీమకవిగానుపండితభీతిగలదు-
పంపకవికవిగాను-తిట్టుసహింపగలను!
మాయలేనియమాయకమనినషినేను!
రాజరాజేశనీకునీరాజనాలు!
71*
వావిలాలకంకితమైనజీవులైన
వెంకటయ్యసీతమ్మలవేడ్కసుతుడ!
సత్మనారాయణుండనోనిత్యసేవ్య!
రాజరాజేశనీకునీరాజనాలు!
72*
సుమతిశతకంబు – బద్దెనసుకృతమనిరి!
వెలయువేమన్నశతకంబువేదమనిరి!
భక్తిశతకంబునీయిచ్ఛభద్రమనిరి!
రాజరాజేశనీకునీరాజనాలు!
73*
పూర్వపరమెన్ననావింతబుద్ధివినదు!
మార్గమునుమార్చిసాగగామనసువినదు!
భక్తకవితనుప్పొంగగాబలమొసంగు!
రాజరాజేశనీకునీరాజనాలు!
74*
నాది – నీదన్న, కాదన్న, వాదపటిమ-
చేత, చేయువిమర్శకుచేతులెత్తి-
మ్రొక్కి, నాభక్తిప్రకటింతుమోదమొసగు!
రాజరాజేశనీకునీరాజనాలు!
75*
ధ్యానముననిన్నునిలిపినిదానముగను-
నీదుప్రస్తుతికవితనునిష్ఠజేసి-
అంకితముజేతు, దోషంపుజంకుమాన్పు!
రాజరాజేశనీకునీరాజనాలు!
76*
రామనామంబుజపియించురాజమౌళి!
రామచంద్రపూజితపాదరామలింగ!
పాహి! కాళేశ్వరేశ్వరా! పాపనాశ!
రాజరాజేశనీకునీరాజనాలు!
77*
ధర్మముగనర్థమార్జించి-దైవభక్తి-
ధర్మయుక్తమౌకామమున్దనరపొంది-
మోక్షమాశింపగాబ్రహ్మమోదమలరు!
రాజరాజేశనీకునీరాజనాలు!
78*
ధర్మదశలక్షణంబులును-దానగుణముపుడమివర్థల్లజేయగ, పుణ్యమతుల
ధైర్యసాహసంబునలక్ష్మి-దరికిజేరు!
రాజరాజేశనీకునీరాజనాలు!
79*
మానసికశాంతినిడును, క్షమాగుణంబు-
సహనసత్వంబు-సమకూర్ఛుసాధనంబు!
ఓర్పునేర్పున, జీవింపనోపువిధము!
రాజరాజేశనీకునీరాజనాలు!
80*
దమము,సంయమనముగూర్చు,దారియందు-
మనుజులింద్రియనిగ్రహమందిబ్రతుక-
వలయు, సద్వాక్కులేవసుధనిధులు!
రాజరాజేశనీకునీరాజనాలు!
81*
క్షేమమునుగూర్చుభువినస్తేయబుద్ధి!
ప్రాప్తమున్నంతలోతృప్తిపడుటె, సుఖము!
పరులసొత్తునకాశింప, పాపమగును!
రాజరాజేశనీకునీరాజనాలు!
82*
విహితమెఱిగినగలుగుపవిత్రబుద్ధి!
శుచియు, శుభ్రతపాటించుసూత్రగతుల-
చిత్తశుద్ధినినీపూజజేయవలయు!
రాజరాజేశనీకునీరాజనాలు!
83*
శమములేనిదేయోగముసాధ్యపడదు!
మనసుభక్తిమట్టుకుగట్టి, మనుటమేలు
బాహిరంతరశత్రులబాధదొలుగు!
రాజరాజేశనీకునీరాజనాలు!
84*
చేతనత్వంబుదీపింపసేమమొసగు-
కలుగునాధ్యాత్మికవిధిత్రికరణశుద్ధి!
గనగవిజ్ఞానతరువుపైజ్ఞానఫలము!
రాజరాజేశనీకునీరాజనాలు!
85*
కర్మతేజమైధీశక్తిగలుగుభువిని-
మందగించెనాసోమరిమార్గమగును!
చిత్తమప్రమత్తతభక్తిజిలుగువెలుగు!
రాజరాజేశనీకునీరాజనాలు!
86*
సత్యసంపన్నతేనిజసంపదగును!
అంగవైకల్యమునుగౌరవంగగాంచి-
యాదరింపగసత్మరియాదయగును!
రాజరాజేశనీకునీరాజనాలు!
87*
మనసుగెల్వనిభక్తిదుర్మార్గమగును!
లోనిశత్రులుమదిగెల్వలొంగియుంద్రు!
దురలవాటులదూరుటదురితమగును!
రాజరాజేశనీకునీరాజనాలు!
88*
పక్షపాతబుద్ధినిమాని – పరగధర్మ-
దారిజీవింపవలె, జన్మధన్యముగను!
నీతిధర్మంబునిలబెట్టురీతిమేలు!
రాజరాజేశనీకునీరాజనాలు!
89*
శాంతిజీవనసమృద్ధి-సౌమ్యబుద్ధి-
కోపమణచుసంయమనమేగొప్పతనము!
ధర్మదశలక్షణములిట్లుదనరుచుండు!
రాజరాజేశనీకునీరాజనాలు!
90*
పరగ,ప్రాణము,ధన,మాన,భంగమందు-
సూత్రమధిగమించుటధర్మసూక్ష్మమగును!
నీదుయానతిధర్మమైనివ్వటిల్లు!
రాజరాజేశనీకునీరాజనాలు!
91*
తెలిసినదిప్రాతక్రొత్తగుతెలియకున్న-
నాగరికవాక్కువింతయేనాడు-నేడు!
పల్లెపట్నమౌపట్నంబుపల్లెగాగ!
రాజరాజేశనీకునీరాజనాలు!
92*
లవణమన్నమాకలిదీర్చె-లక్షలున్న-
నక్షపట్నాలుమారె! సాపేక్షముగను
వీధిబోనాలపల్లెలువిస్తరించె!
రాజరాజేశనీకునీరాజనాలు!
93*
వరదసాగిపోవు-గతమువర్తమాన
మత్తడినిదుంకు, మరమ్మత్తు, మనిషివంతు!
గొలుసుచెఱువుసేద్యపుపంట, గొప్పబ్రతుకు!
రాజరాజేశనీకునీరాజనాలు!
94*
వానవలెవచ్చుచునుబోవు-వరద, సిరులు-
కల్మిలేములనీభక్తికలుగమేలు!
చిత్తముననాత్మగనకున్నచెత్తమేను!
రాజరాజేశనీకునీరాజనాలు!
95*
తలచిరి,మ్రొక్కులిడిరి,తాత-తల్లి-తండ్రి!
కొడవటంచ-వేములవాడ, కోరితిరిగి-
బ్రతుకుయాత్రసాగించిరి, బలగమెదుగ!
రాజరాజేశనీకునీరాజనాలు!
96*
మొదట, ఇలవేల్పునరసింహుపదములంటి-
పిదపనీమ్రొక్కుచెల్లగ-ప్రీతివెంట-
నాటినడిగుంపుసంసారనావసాగె!
రాజరాజేశనీకునీరాజనాలు!
97*
వాహనాలుమారియు, నుపవాసమైన-
ప్రజలుబారులుదీరిన-ప్రక్కకొదిగి-
వేచినీదర్శనముజేసి, వేడ్కగనిరి!
రాజరాజేశనీకునీరాజనాలు!
98*
కోరికలయుప్పెనే, మదితీరికేది?
తీరెనా-వ్యాధి-వైద్యమైతిరుగుమనసు!
జన్మచాలనియాపేక్షజగతిబ్రతుకు!
రాజరాజేశనీకునీరాజనాలు!
99*
బ్రతుకుకలగభావింపగాపదిలమగును!
కష్టమే, సుఖశాంతిగ-ఇష్టమొసగు!
ధర్మవర్తనసాగింపధైర్యమొసగు!
రాజరాజేశనీకునీరాజనాలు!
100*
రంగుటద్దాలరక్తివిరక్తిగాగ-
స్వార్థమునువీడసర్వంబుచక్కబడగ!
బ్రహ్మవిద్యవివేకమైబ్రతుకుసాగు!
రాజరాజేశనీకునీరాజనాలు!
101*
తెలుగుచోళ-చాళుక్యులతేజమయ్యె!
కవులువేములాడనభక్తికలముద్రిప్ప-
వెలసె, సారస్వతాబ్ధిత్రివిక్రమముగ!
రాజరాజేశనీకునీరాజనాలు!
102*
కలదు,భవిషోత్తరపురాణగ్రంధమందు-
గాంచుమందురు-రాజేశ్వరఖంఢమందు-
ఆత్మశోధింతు-నీకైపరాత్పరుండ!
రాజరాజేశనీకునీరాజనాలు!
103*
ఎవ్వరేమన్నచరితలునివ్వటిలిన-
కవనకథమారి, లయమైనకవులకాంక్ష-
నిన్నువీడునా?సద్భక్తినెన్నుదిశల!
రాజరాజేశనీకునీరాజనాలు!
104*
మరలభువిసూర్యుగలియుటేమర్మ-లయము
నాత్మపరమాత్మలింగైక్యమదియె-యనగ-
నింకనేదియేమైననీలెంకచాలు!
రాజరాజేశనీకునీరాజనాలు!
105*
గతముముప్పాలుగడచెను, గరళకంఠ!
భవితనుప్పెనవేయునీభావజలధి-
వర్తమానంబుసద్భక్తివర్తనంబు!
రాజరాజేశనీకునీరాజనాలు!
106*
చుట్టుశుభమున్నవచ్చునేచుట్టమైన!
మంచియేప్రేమశక్తిగమైత్రి-భక్తి,
నిశ్చలాత్మీయ! పరమాత్మ! నీలకంఠ!
రాజరాజేశనీకునీరాజనాలు!
107*
భక్తిమానేటికెరటాలపథకమయ్యె!
శతకశతిజేయబూనెద-శక్తికొలది!
హరిహరాద్భుతరూప! సహస్రనామ!
రాజరాజేశనీకునీరాజనాలు!
108*
శుభముశతకపాఠకమైత్రిశుభయశంబు!
శుభముముఖపుస్తకపుభక్తిసూక్తములకు!
శుభముశతకార్చనలుగొను – శుభకరుండ!
రాజరాజేశనీకునీరాజనాలు!