శ్రీ యాదాద్రి నారసింహ శతకము
(తే.గీ.)
1*
శ్రీ రమాధవా! స్తంభజ! చిత్రసింహ!
నారదనుత! నారాయణ! నాదబ్రహ్మ!
హ్లాదమునుగూర్చు దేవ! ప్రహ్లాద వరద!
నయము జయమిమ్ము యాదాద్రి నారసింహ!
2*
పల్లెనుండియు డిల్లికి పరగ జగతి
కెల్ల సుఖముశాంతి బతుకుకేళి వెలయ
దేశశతకోటి గృహదివ్వె దీప్తులెగసె!
నయము జయమిమ్ము యాదాద్రి నారసింహ!
3*
కొడితె భయముగా పెడితపొంగును యెడంద!
భారతీయులాబాలగోపాలమునకు!
దివ్వె వెల్గున చప్పట్లు ధీటు ముదము!
నయము జయమిమ్ము యాదాద్రి నారసింహ!
4*
చావుభయము కరోన సకల దేశ
భక్తి భావన బతుకును భారమితిగ
కొలువజాలని కలిమాయ కొలువుదీరె!
నయము జయమిమ్ము యాదాద్రి నారసింహ!
5*
లబ్ధి జనజీవనార్థమై లాకుడౌను
బయటదిర్గక పరస్పరం బాసి యెడము
తగినజాగ్రతలు గడువుదాక దేవ!
నయము జయమిమ్ము యాదాద్రి నారసింహ!
6*
వ్యక్తిగత శుచి శుభ్రత వస్తుతతికి
తప్పదికమును ముందైన తలసరిగను
గట్టి కట్టడియె నడుచునట్టి చరిత!
నయము జయమిమ్ము యాదాద్రి నారసింహ!
7*
ముక్కునోరుగప్పెడు మాస్కు ముందు వెనక
మూడడుగలదూరమై ఉండు వరుస
ఇల్లువెడలిజేరెడుదాక నొళ్ళురక్ష!
నయము జయమిమ్ము యాదాద్రి నారసింహ!
8*
గడప నటునిటు దాటిన నీటితొట్టి
సబ్బునిర్వది క్షణముల్ సరిగరుద్ధి-
కడుగ వలెపలు మారులు ఖచ్చితముగ!
నయము జయమిమ్ము యాదాద్రి నారసింహ!
9*
తాను తనకోసమే ఇది తగినపనుల
సాగె హద్ధు పద్ధులవిధి చట్టపరిధి!
బ్రతికి యుండిన నీకృప బడయవీ!
నయము జయమిమ్ము యాదాద్రి నారసింహ!
10*
జనత కర్ప్యుభారతబందు జనులనిత్య
అక్కెరసరుకు దొర్కుమూడడుగు లెడము
వరుస జాగ్రతలెవరివి-వారివనగ-
నయము జయమిమ్ము యాదాద్రి నారసింహ!
11*
బ్రతుకు బాధలదిరుగు బయట యింట
సాగు వెవహారములు పెక్కు సంసృతందు
బతుకు వరమిమ్ము సద్భక్తి బాట నడిపి
నయము జయమిమ్ము యాదాద్రి నారసింహ!
12*
నిన్న మొన్నటి నుడి సుఖమన్న నేడు
జగతిలో కరోనయె ముందు జాగ్రతలను
పవలు రేయి రుగ్మతయాది పదిల పరచి
నయము జయమిమ్ము యాదాద్రి నారసింహ!
*
13*
చిన్న చితుక వైరసుగాదు చెలగిరోగి
తుమ్ము దగ్గు తుంపరలందు దుమికి దూరు
ఎదుటి భౌతిక దూరాల మెదలమేలు!
నయము జయమిమ్ము యాదాద్రి నారసింహ!
14*
ముందు జాగ్రత మాస్కున ముక్కు మఖము
మూసి తిరుగుజనము రద్ది ముందు వెనక
చేయి పలుమారు గడుగంగ సేమమంద్రు!
నయము జయమిమ్ము యాదాద్రి నారసింహ!
15*
పిల్లలును వృద్ధులును శ్రద్ధబెట్టి గడప
దాటనీకుండ పోషింప దగును నేడు
యువత నిత్యావసరముల నురుక సాగె
నయము జయమిమ్ము యాదాద్రి నారసింహ!
*
16*
ఒకటి రెండు దినములైననోపవీలు
మార్పుజీర్ణించుకొనుటెట్లు మాసములుగ
భౌతికదూరగతులందె బతుకు దెరువు
నయము జయమిమ్ము యాదాద్రి నారసింహ!
*
17*
సంఘ జీవి-నిస్సంఘజీవి సామ్యతయ్యె
తారుమారుగ బతుకు భద్రతలు హెచ్చె
మనిషి దూరమై చేరువ మనసు కుదుర
నయము జయమిమ్ము యాదాద్రి నారసింహ!
*
18*
కార్యక్రమము సామూహిక గతులు మారె
మితముగా హద్దుమీరక మిడక వలసె
ప్రభుత కట్టడి చట్టముల్ పదునువెట్టె
నయము జయమిమ్ము యాదాద్రి నారసింహ!
*
19*
కట్టడలవడె జీవిత కక్ష బతుకు
భవిత సాగేటి కట్టడి భద్రపడిన
చావు దప్పదు పోకిరశ్రద్ధ పనులు!
నయము జయమిమ్ము యాదాద్రి నారసింహ!
*
20*
ఆర్థికము గుంగె, కష్టాల వార్థిపొంగె
ప్రగతి వెనుకంజ వితరణ బరగమేలు
వలసదారులనిలుజేర్చు బాటలందు
నయము జయమిమ్ము యాదాద్రి నారసింహ!
21*
కూడు గుడ్డ గూడును నిద్ర తోడు శుద్ధి!
మిగుల భద్రతగొనకున్న మిత్తి భయము!
కలత నిద్రను యజమాని యలసిసొలసె!
నయము జయమిమ్ము యాదాద్రి నారసింహ!
22*
నాల్గు లాక్డౌనులకరోన నణగలేదు
పొంచికాటేసె జనముల పోరు మొదలు
బాధ్యతయుజేసె ప్రక్కకు ప్రభుత జరిగె
నయము జయమిమ్ము యాదాద్రి నారసింహ!
*
23*
ప్లానుగాబత్కుదెరువు తుఫాను బెడద
మీదు మిక్కిలి దండుగ మిడత దాడి.
యుద్ధ తంత్రాలు పొరుగున నుగ్రతణచి
నయము జయమిమ్ము యాదాద్రి నారసింహ!
*
24*
చావు దరిదాపు పొరుగు నిస్వార్థమేది
భూధనాక్రమణకుబూనె బుద్ధి మార్చు!
కీర్తి ధనముశాశ్వతమను క్రియలనడిపి
నయము జయమిమ్ము యాదాద్రి నారసింహ!
25*
సాగు టీకశోధనలు ప్రయోగ దశను
విషకరోన రుగ్మత హెచ్చె విషయ చర్ఛ!
మరల వేసవి దాకను మరణ భయమె
నయము జయమిమ్ము యాదాద్రి నారసింహ!
*
26*
వైద్య సిబ్బందికే సోకె వైరసనెడు
వార్త దిగజార్చె ధైర్యమున్ బతుకు ప్రశ్న
జనుల వేదించె మది జవసత్వమొసగు
నయము జయమిమ్ము యాదాద్రి నారసింహ!
27*
దీక్ష భజనసాగింప నపేక్ష తగ్గు
నిండు తృప్తి చే బాధలు నిమ్మలించు
దీన జనసమూహములకు దిక్కునీవె!
నయము జయమిమ్ము యాదాద్రి నారసింహ!
*
28*
అప్పు జేసిపప్పులకూడు నదుపు పొదుపు
గాగ పెండ్లి – యుత్సవరద్ది కట్టడిగను
బందు దూరపయనముల బాటలదుపు
నయము జయమిమ్ము యాదాద్రి నారసింహ!
*
29*
బంధు మిత్రులాత్మీయుల విందులదుపు
నెలలు గడిచెను, జాగ్రత నేర్పునోర్పు
టీక దాకను సామాన్యు శోకముడుపు
నయము జయమిమ్ము యాదాద్రి నారసింహ!
*
30*
ఇష్టములు దూరముగనుంచి కష్టమెంచి
హితులరూపాన దీనులకిడుము భుక్తి!
కట్టడిని సాగుబాటుగా కలిమిగూర్చి-
నయము జయమిమ్ము యాదాద్రి నారసింహ!
31*
ప్రకృతి బీభత్సములు యేట ప్రాణహాని
గూర్చుచుండగ నెండలు గొట్టిపంట
పొలమునెఱ్ఱెలు బాసెడు-పోరు బతుకు-
నయము జయమిమ్ము యాదాద్రి నారసింహ!
*
32*
చెలగు సేద్య పరిశ్రమల్ చేష్టలుడిగి
ప్రకృతి వైపరీత్యములందు పాడుబడగ
మంచి రోజులకై నిన్నె మతికిజేయు
నయము జయమిమ్ము యాదాద్రి నారసింహ!
*
33*
బతుకు జాడ నిరంతర బాధనెదుటి
పోటి పోరాటమయ్యెను-పొద్దు మాపు
మనసు కోర్కెతురంగమై మాటవినదు!
నయము జయమిమ్ము యాదాద్రి నారసింహ!
*
34*
వెసన సప్తకమున జాతి వెఱ్ఱిమోజు
ఆయురారోగ్యమను మాట అటుకునెక్కె
మరల చేతనార్థము గీత మాకొసంగు!
నయము జయమిమ్ము యాదాద్రి నారసింహ!
*
35*
ప్రక్కవాడు పచ్చగనుంట పరగ కడుపు
మంట చేతగాక కనుకళ్ళమంట – మాన్పి
బుద్ధి చైతన్యములదారి వృద్ధి గూర్చు!
నయము జయమిమ్ము యాదాద్రి నారసింహ!
*
36*
ఐకమత్యము సాధించ నవనియందు
ఆత్మ ఏకత్వబోధ మహాత్ము పేర
మరల నవతరింపుము భక్తి మనసు నిల్పి
నయము జయమిమ్ము యాదాద్రి నారసింహ!
*
37*
ఈతిబాధలు మైమర్చి ఇల్లు మరిచి
బాధ్యతలు వీడి వెసనాల బతుకు నష్ట
జాతకుల గాచియారోగ్య నిష్ఠ దేల్చి
నయము జయమిమ్ము యాదాద్రి నారసింహ!
*
38*
మంచియన పుణ్యమేకదా మహిని భక్తి
మార్గసౌలభ్యమన మరోమార్గమేల?
మంచినిండగ చెడుదొల్గు మాట నిజము
నయము జయమిమ్ము యాదాద్రి నారసింహ!
*
39*
కంటక సమస్యలు – జవాబుగానరాదు
రిత్తజతనాల విపరీత రీతి పొగులు
మరణ భీతి రహితముగా మానవాళి
నయము జయమిమ్ము యాదాద్రి నారసింహ!
*
40*
బతుకు సమర సంరంభముల్ భక్తి మరుపు
భద్రతయులేని కలికాల భ్రమలుమెండు!
కట్టడిగ జాతినాధ్యాత్మికముగ దేల్చి
నయము జయమిమ్ము యాదాద్రి నారసింహ!
41*
చూచి మేలోర్వలేని యసూయ గుణము
కష్టములనోర్వ జాలని కలతఘనము
సుఖము గోరనిదెవ్వరు చూడ జగతి
నయము జయమిమ్ము యాదాద్రి నారసింహ!
42*
స్వార్థ తపన జీవితమంత సాగు పైగ
దుష్టచింతన నిరతమ్ము దొలుచు మదిని
ఉభయ రుజలు మదితనువు నొవ్వుగూర్చు
నయము జయమిమ్ము యాదాద్రి నారసింహ!
43*
బాధలో జాతకమడ్గి భవితదెలియు
సంతసంబున మరచియు సాకులెన్ను
ఆపదమ్రొక్కులలవడె అర్థకాంక్ష
నయము జయమిమ్ము యాదాద్రి నారసింహ!
44*
ధరణి నిన్మరచి బతుక ధైర్యమేది?
బరువు బాధ్యత దిగనాడ భద్రతేది?
మధ్యతరగతి జీవితం మిధ్యయనక
నయము జయమిమ్ము యాదాద్రి నారసింహ!
45*
ఇష్టములు చాలకను ఆశలినుమడించు!
మనసు దేహమస్వస్థతమయము దిగులు!
దుష్టచింతనలెడబాపి తుష్టిగూర్చు!
నయము జయమిమ్ము యాదాద్రి నారసింహ!
46*
జరుగు బ్రతుకుదెరువునందు భద్రతేది?
ధైర్యమొసగు నీదర్శన దారి భక్తి-
మనసు తనువుల స్వస్థత మాకొసంగు!
నయము జయమిమ్ము యాదాద్రి నారసింహ!
47*
ఒంటరి కుటుంబముగసాగు నోపికేది!
కలిసియుందమటన్నను కలహదారి!
బంధు పోటియే ఉపకార భాగ్యమేది?
నయము జయమిమ్ము యాదాద్రి నారసింహ!
48*
లేమి లోసాను భూతియు లెక్క పద్ధు
కొంత కలిమిని రద్ధగు కొంటె పోటి
సాయము మరచి తలదన్ను సర్కసాట-
నయము జయమిమ్ము యాదాద్రి నారసింహ!
*
49*
కలిసి బతుకనివ్వదు కదా కలిమి పోటి
బంధు మిత్రులకన్నను పరులె నయము
లోతు దెలియుదాకను మైత్రిలోనటింత్రు!
నయము జయమిమ్ము యాదాద్రి నారసింహ!
50*
డాబు దర్పంబు వెలయించి దర్జజూప
పిల్వనంపెడు శిశువులు పెద్దలైరి!
దీవెన మిగిలె కనుమంట దేనికనగ
నయము జయమిమ్ము యాదాద్రి నారసింహ!
51*
దర్ప మలర ప్రదర్శన దారులందు
ఎదుట మర్యాద చాటున ఏవగింత
హెచ్చులకునభినయమైన వేసబాస
నయము జయమిమ్ము యాదాద్రి నారసింహ!
52*
డబ్బు సంబంధ బంధుత్వ డాబుఘనత
అరయనాత్మీయతకులేదు అవనియందు
చాలనిజమయ్యె కద కలికాలమహిమ-
నయము జయమిమ్ము యాదాద్రి నారసింహ!
*
53*
మీదమెరుగు సంబాషణ మించునటన
లోనకుళ్ళుదాచిన ధన లోభమయము!
రోత విందుమూయించె కరోన జడుపు
నయము జయమిమ్ము యాదాద్రి నారసింహ!
54*
కొత్త పోకడలు కరోన కొఱతవడియె
భారి బలగప్రదర్శనల్ బందువడియె!
మిగులు బంధుతతికిబంచ భావ్యమిపుడు
నయము జయమిమ్ము యాదాద్రి నారసింహ!
55*
క్రితపు మర్యాదజనె రాజకీయ మాయె
మనిషి చిననాటి వారిని మరచి మసలె!
భక్తి సంబంధమునగల్పు బాటనడుపు
నయము జయమిమ్ము యాదాద్రి నారసింహ!
56*
రక్త సంబంధములు కల్మి రిక్తమయ్యె
రాజకీయ కులమతాలు రాణకెక్కె!
వసుధ వస్త్రాభరణ సోకు వాసికెక్కె!
నయము జయమిమ్ము యాదాద్రి నారసింహ!
57*
ఆకసమునందు దిరుగాడునట్టి పక్షి
నీట నీదు చేపయు గాగ నింకమేలు
మట్టి బుట్టిజీవింపగా మాకుదరమె!
నయము జయమిమ్ము యాదాద్రి నారసింహ!
58*
పుడమి బతుకు ఘోరము నేడు గడపదాట
రోజు రోజుకోభయము కరోన వార్త
ముందు జాగరూకత లేక మునుగు కొంప
నయము జయమిమ్ము యాదాద్రి నారసింహ!
*
59*
వయసు దాటి నిబ్బరముడ్గి పైనబడిన
ముదిమి బాధలు గాధలు ముదురు రుజలు
చిన్నవారి చేతిచలువ వెన్నదొంగ!
నయము జయమిమ్ము యాదాద్రి నారసింహ!
60*
వయసు నాటి యోపికదర్గె బతుకునీడ్వ
జతనముల సమస్యలువేలు జరుగు చరిత
దేహముననాత్మ ఓల్డేజు గేహవసతి!
నయము జయమిమ్ము యాదాద్రి నారసింహ!
61*
జరను నీభక్తియోగియై జనుటకన్న
మేలు గూర్చునదియు సున్న మేలుకొలిపి
ఆశ పాశంబులనుదెంచి యాదుకొనుము!
నయము జయమిమ్ము యాదాద్రి నారసింహ!
62*
ఎంత సాధింప నింకొంత ఎదురనుండు
తృప్తి నిస్వార్థపరమైన తీరునడిపి
భక్తి యోగాన నినుజేరు బాటసాగ
నయము జయమిమ్ము యాదాద్రి నారసింహ!
*
63*
వేష బాషల దీప్తి సంతోషమందె
ముందడుగుగాగ బతుకున ముక్తిపదమె!
శోకమున నిఖిలముగల్గ చొప్ప సమమె!
నయము జయమిమ్ము యాదాద్రి నారసింహ!
*
64*
భయమె నరజాతి కొరడాగ పరిణమించె
భద్రతయు లేని బతుకులిబ్బంది గూర్చు
నిర్భయమె మోదమునిచ్చు నెపుడు భువిని
నయము జయమిమ్ము యాదాద్రి నారసింహ!
*
65*
పోరు నష్టమనిన – వైరి పొందులబ్ధి
సందు బలహీనతగనెంచు ముందు ముందు
కఱ్ఱు గాల్చివాతయుబెట్ట కడకుమేలు
నయము జయమిమ్ము యాదాద్రి నారసింహ!
66*
వైరి మంటలార్పగవలె- వైరసంటు-
రుగ్మతకుదగ్గ టీకాలు రుజువుపరచి-
సకల జనులకందింపగా సాగవలయు
నయము జయమిమ్ము యాదాద్రి నారసింహ!
*
67*
వైరి పోరు నష్టమె యార్థిక బాధలెసగు
ఈతి బాధలు స్వార్థముల్ ఇరుగడలను
వైరసంటు రోగులవెతల్ బహుధ గలుగు
నయము జయమిమ్ము యాదాద్రి నారసింహ!
*
68*
బాల వృద్ధుల సంక్షేమ బాధ్యతలును
విధుల కష్టము నైతిక విలువ నిలుప
యువత జంజాటపడు కలియుగమునందు
నయము జయమిమ్ము యాదాద్రి నారసింహ!
69*
బతుకు పోరాటమున నింట బయట వివిధ
పోరుబాటలు నార్థిక పొదుపు నదుపు
దూరభార విచారంపు దొంతరలను
నయము జయమిమ్ము యాదాద్రి నారసింహ!
70*
బతుకు బాధలోనను వంట జతనమలరు
తిండి దప్పదు వేళకు తిప్పలైన
కాలచక్రమాగదు తుద కర్మమిగులు
నయము జయమిమ్ము యాదాద్రి నారసింహ!
71*
ముదిమి రుగ్మతల్ తగు పథ్యములును సాగు
వివిధ పేర్లవైధ్యవిధాన విషయ చర్ఛ
లాయుర్వేదముననాగు నంత్యదశను!
నయము జయమిమ్ము యాదాద్రి నారసింహ!
72*
ఏది వైద్యమైనను గుణమివ్వనపుడు
మందులలవడెనందురు మార్గమెరుగ
యోగ సూచింత్రు తుదభక్తి యోగదారి!
నయము జయమిమ్ము యాదాద్రి నారసింహ!
73*
వృద్ధ దశబాధలనుదెల్ప వినెడువారు
దొరుకుట గగనమేయగు దొర్కిరేని
ఉచిత సలహాలనిడివెళ్ళుచుంద్రు తరచు
నయము జయమిమ్ము యాదాద్రి నారసింహ!
74*
మనిషి సాయము గొప్పది మరియునొకటి
చేత డబ్బుతోడ్పడుచుండు చేతగాని
సమయమందు నీకీర్తన సాగమేలు!
నయము జయమిమ్ము యాదాద్రి నారసింహ!
75*
చిత్రమేమిటో పనిబడి చేతియందు
డబ్బులున్నను మనిషెట్లు డాయు- విధియు
వక్రమగు నీదు దయలేక వసుధ బతుకు!
నయము జయమిమ్ము యాదాద్రి నారసింహ!
76*
వలయునది దొర్క బోదునావశ్యకముగ
నడిగినది దూరమగు వయసుడిగి తాను
పరుగులిడ సాధ్య పడదుగా బతుకు గతుల
నయము జయమిమ్ము యాదాద్రి నారసింహ!
77*
తెలిసినా తెలియనియట్లె దేల్చు నిజము
గాక నితరసాయముగోరు కథలె పెక్కు
అనుభవింపక తప్పని కర్మ ఫలము-
నయము జయమిమ్ము యాదాద్రి నారసింహ!
78*
ఉమ్మడికుటుంబములు లేవు ఊరుమారె
పట్నమనుకరింపులను అపార్టు మెంటు
బతుకు దెరువు వృద్దుల పోషణతుకు బడియె!
నయము జయమిమ్ము యాదాద్రి నారసింహ!
79*
చెట్టు చేమపార్కునజూచి చెమ్మగిల్లు
యాది కనులకే పరిమితం చేదు తీపి
కాలమునుగాది పచ్చడి కమ్మదనమె!
నయము జయమిమ్ము యాదాద్రి నారసింహ!
80*
కొంత మెరుగయ్యె వృద్ధుల గొడవలణగె
యువత కవగాహనయు సాగె భవిత యందు
ప్రభుత మరియింత సహకారపడగనుండె!
నయము జయమిమ్ము యాదాద్రి నారసింహ!
81*
కలిగె ప్రకృతి రసాయన కల్మశమ్ము!
సేంద్రియ యెరువు మేలయ్యె సేద్యమందు!
పల్లె ధినుసు రుగ్మతలకు పథ్యమయ్యె!
నయము జయమిమ్ము యాదాద్రి నారసింహ!
82*
ముతక బియ్యము కరువాయె మునుపుదిన్న
గట్క చిరుధాన్యముల తిండ్లు కడుపిరమ్ము!
కట్టడి కరోన వైరసు కాలమొచ్చె!
నయము జయమిమ్ము యాదాద్రి నారసింహ!
83*
బాల వృద్ధులింటింటనే భద్రపడగ
భౌతిక దూరము మాస్కుతో బయటకేగి
నిత్యమవసరములగూర్చె నేటి యువత!
నయము జయమిమ్ము యాదాద్రి నారసింహ!
84*
ఈతి బాధలార్థికమాంద్యమితర హేతు
కష్ట నష్టాలునేకమే కలిమిలేమి
పెక్కు మార్పులు-కలికాల చిక్కులెగసె
నయము జయమిమ్ము యాదాద్రి నారసింహ!
85*
అంటు రుజకారక కణము వెంట
మనిషి నుండియు మనిషికి మార్గముగను
హెచ్చె జగతినౌషదశోధ లెసగసాగె!
నయము జయమిమ్ము యాదాద్రి నారసింహ!
86*
ఇరుగు పొరుగు దేశ కుటిల పోరుబాట
శాంతిమార్గాన చర్ఛలు సాగుచుండె
నిశ్చలత్యంబు చెదరెనో నీరజాక్ష!
నయము జయమిమ్ము యాదాద్రి నారసింహ!
87*
సకల బాధలు నీదయ సవ్యముగను
తగు పరిష్కారదారిని తరలిపోవ
భక్తులకు నీదుదర్శన భాగ్యమొసగు!
నయము జయమిమ్ము యాదాద్రి నారసింహ!
88*
సంధ్యలను మూడు సారులు జలకమాడు
నీరు వాతావరణముండె నీదుకృపను
శుచియు శుభ్రతలారోగ్య సూత్రగతులు
నయము జయమిమ్ము యాదాద్రి నారసింహ!
89*
తానుగా పంచె సతతమాధ్యాత్మికతను
సైన్సు గొనితెచ్చె భారతి జగతియందు
వాసిగాంచె నేడెదిరించు వైరసులను
నయము జయమిమ్ము యాదాద్రి నారసింహ!
*
90*
చెక్కు చెదరని ధైర్యము చెలిమి కలిమి
మక్కువనుగూర్ప భారతమాత బిడ్డ
పదిలమయ్యె సత్కీర్తి ప్రపంచ చరిత-
నయము జయమిమ్ము యాదాద్రి నారసింహ!
91*
రుగ్మతలను,సామాజిక రుగ్మతలను
దేహ, దేశములను నిండె తేజ మొసగు-
టీక తోపాటు నీతియే ఇలను గాచు!
నయము జయమిమ్ము యాదాద్రి నారసింహ!
*
92*
అడవి పునరుద్ధరించుట, కడలి కలుష
హరణమగుతీరు మసలుట, చెరిపి చెడగ
మానుటయె సామి! నీభక్తి మార్గదృష్టి
నయము జయమిమ్ము యాదాద్రి నారసింహ!
*
93*
ధర్మమును దప్పిచరియింప ధరణిముప్పు
హితవు గలుగును సత్యమహింసవిధుల
గాక మారణహోమమే కలియుగాన!
నయము జయమిమ్ము యాదాద్రి నారసింహ!
*
94*
సాగవలెనసత్యము నుండి సత్యమునకు
తమమునుండి జోతికి మృత్యు-అమృత
మయమునకు నీదు వేదోక్తి మార్గమందు
నయము జయమిమ్ము యాదాద్రి నారసింహ!
*
95*
ఈతి బాధ-కరోనగా ఇలను వెలసె
కట్టడి నిరోధక సత్వముట్టిపడగ
టీకతోడ్పడ నీకృపలేక గాదు
నయము జయమిమ్ము యాదాద్రి నారసింహ!
*
96*
పుణ్యమనగ మంచియెకదా-పుడమియందు
పాపమనగ చెడ్డయె గాన బతుకు దెరువు
మంచి సాగించు తీరున మమ్మునడిపి
నయము జయమిమ్ము యాదాద్రి నారసింహ!
*
97*
తల్లిదండ్రి గురుప్రేమ దనర దేశ
ప్రేమ భాగ్యమ్ము నోచిన పెద్ధ బుద్ధి-
వయసు పెద్దలనదలించి వసుధ సృష్టి
నయము జయమిమ్ము యాదాద్రి నారసింహ!
*
98*
దేశ భక్తిదురంధరుల్ తేగనిధులు
భారతజవానులకు జేతు ప్రణుతి నీదు
రూపులుగనెంతు వారి భూరుహము బోల్తు!
నయము జయమిమ్ము యాదాద్రి నారసింహ!
*
99*
గడిచి గట్టెక్కి దేశంబు ఘనతకెక్కె
గతము, నీతేజమైసాగ గలదు భవిత
దురితహరమైనదగు శాంతి దూతపేర!
నయము జయమిమ్ము యాదాద్రి నారసింహ!
*
100*
ధరణి నెలకొను గావుత ధర్మరక్ష!
విరివిగను సాగు గావుత వృక్షరక్ష!
పాపమణగి పుణ్యమెగసి పడును గాక!
నయము జయమిమ్ము యాదాద్రి నారసింహ!
101*
మంచి చెట్టునాటిన వచ్చు మంచి ఫలము!
తుచ్చమగు ముళ్ళ చెట్టైతె గుచ్చుముండ్లు!
తీరు తెన్నుదెల్పిన కవి తిరుణహరికి
నయము జయమిమ్ము యాదాద్రి నారసింహ!
*
102*
భీతిచేతనే తత్కాల నీతిదారి
పిదప నవినీతిగమనమేప్రీతి నిరత
గడన కోసమే బతుకగా కవిత గనున?
నయము జయమిమ్ము యాదాద్రి నారసింహ!
*
103*
ఐకమత్యమునుపకారమైన గుణము
భక్తి యోగమార్గమునందు బలపడంగ
జనుల వర్ధిల్ల జేయునీ జపతపంబు!
నయము జయమిమ్ము యాదాద్రి నారసింహ!
*
104*
శ్రీలు గులికెడు నవనార సింహగుడుల-
నూత్నవైభవ యాదాద్రి నూహసేయు
పుణ్యఫలముచే నామది పులకరించు!
నయము జయమిమ్ము యాదాద్రి నారసింహ!
*
105*
కష్టములమరుపుగ సాగె కవనదృష్టి
రక్షగా సత్ఫలమునిచ్చె తక్షణంబె-
చదువు పుణ్యాత్ములకు నట్లె సత్వమొసగు
నయము జయమిమ్ము యాదాద్రి నారసింహ!
*
106*
విజయమే మదితృప్తిగ-డిజిటలచ్చు
మీడియా ఎఫ్బి పఠితల మెప్పుగొంటి
లీనమైతిని కృతిని నీధ్యాన మందు
నయము జయమిమ్ము యాదాద్రి నారసింహ!
*
107*
వైరసెడబాపి తగుశుభ వరమొసంగి
లీలమెరిపించు సింగోట లింగరూప!
జగతి సుఖశాంతియొనగూర్చి జరుగు చరిత!
నయము జయమిమ్ము యాదాద్రి నారసింహ!
*
108*
శ్రోత పఠితల సొమ్మగు శుభయశమ్ము
సేమమగుగాక నిస్వార్థ సేవకులకు
ప్రజ-పరోపకార ప్రజా ప్రభుతకెపుడు
నయము జయమిమ్ము యాదాద్రి నారసింహ!